धुर्मुस (सीताराम कट्टेल) - 'केटीको पछि कहिल्यै लागिन'

Suntali and Dhurmus

Comedy actor Sitaram Kattel, popularly known as Dhurmus in Meri Bassai, talks about his career.

० आज भोलि कता ब्यस्त ?
- धेरैजसो स्टेज कार्यक्रममै ब्यस्त छौं । मेरी बास्सैको सुटिङ त मुख्य भैहाल्यो ।

० स्टेज कार्यक्रममा धेरै ब्यस्त भएजस्तो छ नि ?
- हो, महिनामा धेरै जसो जिल्ला बाहिर नै हुन्छौं । अनि बेलाबखत देश बाहिरका कार्यक्रममा पनि सहभागी भै नै रहेका छौं ।

० डिमाण्ड निक्कै बढे जस्तो छ ?
- मेरी वास्सै टिपीकल गाँउले कथामा आधारित छ । यसका दर्शक गाँउमा धेरै छन् । उपत्यका बाहिर सर्वाधिक मन पराइएको कार्यक्रम पनि हो यो । त्यसैले दर्शकको डिमाण्ड अनुसार जिल्लाका कार्यक्रम बढी बोलाउने गर्छन ।

० एउटा स्टेज कार्यक्रममा देखिएको कति दाम लिनुहुन्छ ?
- ठ्याक्कै यति भन्ने त छैन । आयोजक र ठाँउअनुसार हाम्रो बजेट निर्धारण हुने गर्छ, तर अहिले स्टेज कार्यक्रम गर्ने कलाकारमा बढि नै पारिश्रमिक लिने कलाकारमा पर्छौ हामी ।

० कति भयो कला क्षेत्रमा आउनु भएको ?
- कला क्षेत्रमा लागेको त छ वर्ष भयो । गीतान्जली भन्ने नेपाल टेलिभिजनको कार्यक्रमबाट यस क्षेत्रमा लागेको हुँ वि.स २०५९ सालमा केदार घिमीरे ‘माग्ने बुढो’सँग जोडी बाँधेर यस क्षेत्रमा सक्रिय रुपमा लागेको हो ।

० केदारसाग तपाइको सम्बन्ध राम्रो छैन भन्ने चर्चा सुनिन्छ नि ?
- सँगै सुत्दा, सुतेको साथीलाई लात लाग्न सक्छ । तर सम्बन्ध नै नराम्रो भएको भन्ने सत्य होइन । पत्रपत्रिकामा त बोलचालै छैन पनि भनेर पनि आयो । एउटै कार्यक्रम गर्ने मान्छे, एउटै स्टेजमा उत्रेर दर्शक हासाउने मान्छे नबोलेर पनि कतै सम्बन्ध होला ।

० हाँस्य कलाकारले नामसंगै दाम पनि उत्तिकै कमाएका छन, कतिको कमाइयो त ?
- हामीले हाँस्य क्षेत्रमा प्रवेश गरेको बेलादेखि नै हाँस्य सिरीयललाई दर्शकले मन पराइदिनु भयो । स्टेज कार्यक्रम पनि पाइयो, त्यही भएर पनि होला नामसंगै आर्थिक रुपमा पनि सन्तुष्ट हुने अवस्था छ ।

० हाँस्य कलाकार नबन्नु भएको भए के बन्नु हुन्थ्यो ?
- कलाकार नबनेको भए पत्रकार बन्थे । मैले केही समय पत्रिकामा पनि लेखे । म पत्रकारीताकै विद्यार्थी ह़ु ।

० छोटो अवधिमै ठुलो सेलिब्रेटी हुनुभयो केटीहरु कतिको पछि लाग्छन ?
- केटीहरु पछि लाग्नु स्वभाविक हो । मेरो फ्यानहरु प्रशस्तै छन, तर मेरो कला मन पराएर मलाइ मन पराउने छन् ।

० तपाई चाही केटीको पछि कतिको लाग्नुहुन्छ ?
- म कला क्षेत्रबाट केही गर्नुपर्छ भनेर यस क्षेत्रमा लागेको मान्छे हुँ । एक त विवाहित अर्को कुरा कुनै केटीको पछि कहिल्यै लागिन । मेरो नेचर त्यस्तो छैन ।

० तपाई निर्देशक पनि हुनुहुन्छ, केटीहरु कलाकार बनाइदिनुपर्‍यो भनेर भन्दैनन् ?
- हो, यस क्षेत्रमा लाग्ने धेरै जसो त्यस्ता केटीहरु पनि हुन सक्छन् । अरुले भनेको पनि मैले सुनेको छु, तर केटीका मामलामा म पछि नै छु । यो क्षेत्रमा मलाई केटीको मामिलामा कसैले ओला ठड्याउन पनि सक्दैन ।

Incoming search terms:

• sitaram kattel
• chamchami
• केटीको